Зургийн цомог

Үнийн мэдээ

  • -

    2020 оны 8 дугаар сарын 4-ний өдрийн байдлаар улсын хэмжээнд дунджаар ердийн хэрэглээний 40 хоногийн газрын тосны бүтээгдэхүүний нөөцтэй байгаа бөгөөд үүнээс А-80 автобензин 75, Аи-92 автобензин 37, дизелийн түлш 39, ТС-1 онгоцны түлш 13 хоногийн нөөцтэй байна.

    Жижиглэнгийн үнийн өөрчлөлтийг орон нутаг дахь төлөөлөгчид болон "Магнай трейд" ХХК-иас ирүүлсэн мэдээг үндэслэсэн бөгөөд мэдээнээс харахад 2020 оны 8 дугаар сарын 4-ний өдрийн байдлаар Баруун бүсийн А-80, Аи-92 автобензин 50 төгрөгөөр, Хангайн бүсийн Булган аймгаас бусад аймагт А-80, Аи-92 автобензин 50 төгрөг, Төвийн бүсийн Аи-92 автобензин 50 төгрөг, Дундговь, Өмнөговь аймгаас бусад аймагт А-80 автобензин 50 төгрөгөөр өссөн үзүүлэлттэй байна.

    Улаанбаатар хот дахь зарим компаниудын жижиглэнгийн үнийн судалгаанаас харахад "Шунхлай"ХХК, "Сод Монгол"  ХХК, "Магнай трейд" ХХК, "Петровис" ХХК -ийн А-80, Аи-92 автобензин тус бүр 50 төгрөгөөр өссөн байна. Өнгөрсөн долоо хоногт олон улсын томоохон биржүүд дээр нэг тонн түүхий газрын тосны үнэ 267.9-332.03 ам.доллар буюу баррель нь 36.9-43.7 ам.доллар ($)-ын хооронд хэлбэлзсэн байна.

  • 2020 оны 3 дугаар сарын 31-ний өдрийн байдлаар

    Улсын хэмжээнд дунджаар ердийн хэрэглээний 38 хоногийн газрын тосны бүтээгдэхүүний нөөцтэй байгаа бөгөөд үүнээс  А-80 автобензин 90, Аи-92 автобензин 30, дизелийн түлш 38, ТС-1 онгоцны түлш 12 хоногийн нөөцтэй байна. Бөөний үнийн хувьд "НИК” ХХК-ийн А-80 автобензин 40 төгрөг, Аи-92 автобензин, дизелийн түлш тус бүр 50 төгрөгөөр,  "Ай Си Ай Си” ХХК-ийн  дизелийн түлш 150 төгрөг, "Сод Монгол" ХХК-ийн дизелийн түлш 50 төгрөгөөр тус тус буурсан байна.  Увс аймаг дахь дизелийн түлшний үнэ 200 төгрөгөөр буурсан байна. Өнгөрсөн долоо хоногт олон улсын томоохон биржүүд дээр нэг тонн түүхий газрын тосны үнэ 143.24-202.64 ам.доллар буюу баррель нь 19.6-26.67 ам.доллар ($)-ын хооронд хэлбэлзсэн байна.

  • 2020 оны 03 дугаар сарын 03-ны өдрийн байдлаар

    Өнгөрсөн долоо хоногт олон улсын томоохон биржүүд дээр нэг тонн түүхий газрын тосны үнэ 328.1-404.2 ам.доллар буюу баррель нь 44.90-53.20 ам.доллар ($)-ын хооронд хэлбэлзсэн байна.       2020 оны 03 дугаар сарын 03-ны өдрийн байдлаар улсын хэмжээнд дунджаар ердийн хэрэглээний 42 хоногийн газрын тосны бүтээгдэхүүний нөөцтэй байгаа бөгөөд үүнээс  А-80 автобензин 109, Аи-92 автобензин 33, дизелийн түлш 40, ТС-1 онгоцны түлш 15 хоногийн нөөцтэй байна

       Жижиглэнгийн үнийн өөрчлөлтийг орон нутаг дахь төлөөлөгчид болон "Магнай трейд" ХХК-иас ирүүлсэн мэдээг үндэслэсэн бөгөөд мэдээнээс харахад 2020 оны 03 дугаар сарын 03-ны өдрийн байдлаар жижиглэнгийн орон нутгийн үнэд өөрчлөлт ороогүй байна. Бөөний үнэ Дархан-Уул аймгийн А-80 автобензин 30 төгрөг, Увс аймагт А-80, Аи-92 автобензин, дизелийн түлш тус бүр 50 төгрөгөөр өсч, Дархан-Уул аймгийн дизелийн түлш 20 төгрөг буурсан байна.

  • 2019 оны 10 дугаар сарын 22-ны өдрийн байдлаар

    Улсын хэмжээнд дунджаар ердийн хэрэглээний 24 хоногийн газрын тосны бүтээгдэхүүний нөөцтэй байгаа бөгөөд үүнээс  А-80 автобензин 26, Аи-92 автобензин 28, дизелийн түлш 21, ТС-1 онгоцны түлш 8 хоногийн нөөцтэй байна. Жижиглэнгийн үнийн өөрчлөлтийг орон нутаг дахь төлөөлөгчид болон "Магнай трейд" ХХК-иас ирүүлсэн мэдээг үндэслэсэн бөгөөд мэдээнээс харахад жижиглэнгийн үнэд өөрчлөлт ороогүй байна.

    Бөөний борлуулалтын үнийн хувьд Улаанбаатар хот дахь "Магнай трейд" ХХК-ийн дизелийн түлшний бөөний үнэ 50 төгрөгөөр, Дорнод аймаг дахь дизелийн түлшний бөөний борлуулалтын үнэ 40-100 төгрөгөөр тус тус буурсан бол бусад компани болон аймгуудын хувьд өнгөрсөн долоо хоногтой харьцуулахад бөөний үнэд өөрчлөлт ороогүй байна. Өнгөрсөн долоо хоногт олон улсын томоохон биржүүд дээр нэг тонн түүхий газрын тосны үнэ 398.65-447.75 ам.доллар буюу баррель нь 53.49-58.93 ам.доллар ($)-ын хооронд хэлбэлзсэн байна.

  • 2019 оны 5 дугаар сарын 28-ны өдрийн байдлаар

    Улсын хэмжээнд дунджаар ердийн хэрэглээний 39 хоногийн газрын тосны бүтээгдэхүүний нөөцтэй байгаа бөгөөд үүнээс  А-80 автобензин 82, Аи-92 автобензин 49, дизелийн түлш 29, ТС-1 онгоцны түлш 25 хоногийн нөөцтэй байна. Шатахууны жижиглэнгийн үнэ Зүүн бүсийн аймгуудын А-80 автобензин 80 төгрөг, Аи-92 автобензин 70-80 төгрөг, Аи-95 автобензин 30-70 төгрөг, дизелийн түлш 10-30 төгрөг, Төв аймаг, Дорноговь, Баянхонгор, Өвөрхангай, Архангай аймгуудын А-80 автобензин 30-70 төгрөг, Аи-92 автобензин 40-80 төгрөг, Аи-95 автобензин 30-40 төгрөг, дизелийн түлш 20-40 төгрөгөөр тус бүр өссөн байна. УБ хотын “Шунхлай” ХХК, “Сод Монгол” ХХК-иуд шатахуун тус бүр дээр 30-80 төгрөг нэмсэн байна. Шатахууны бөөний үнэ "Магнай Трейд" ХХК, "Сод Монгол" ХХК-иудын А-80 автобензин 80-100 төгрөг, Аи-92 автобензин 80-150 төгрөг, дизелийн түлш 50 төгрөгөөр тус бүр өссөн байна. Өнгөрсөн долоо хоногт олон улсын томоохон биржүүд дээр нэг тонн түүхий газрын тосны үнэ 442.16-521.6 ам.доллар буюу баррель нь 59.11-68.65 ам.доллар ($)-ын хооронд хэлбэлзсэн байна.