Цөмийн болон цацрагийн хяналтын хэлтэс

Хэлтсийн үйл ажиллагааны стратегийн зорилт:

Цөмийн болон цацрагийн аюулгүй байдлыг хангах үйл ажиллагаанд хяналт тавих зорилтын хүрээнд хүний эрүүл мэнд, байгаль орчныг ионжуулагч цацрагийн сөрөг нөлөөллөөс хамгаалах урьдчилан сэргийлэх зорилгоор цөмийн болон цацрагийн хяналт, шалгалт хийх.

Хэлтсийн үндсэн чиг үүрэг:

-Цөмийн болон цацрагийн аюулгүй байдалд хяналт тавих үндэсний дэд бүтэц, хяналтын тогтолцоог олон улсын стандартын шаардлагад нийцүүлэх арга хэмжээ авах,

-Цөмийн болон цацрагийн ажиллагааг хангах эрсдэлд суурилсан хяналт шалгалтыг хэрэгжүүлж, үйл ажиллагаанд хяналт тавьж, илэрсэн зөрчлийг арилгуулах арга хэмжээ авах,

-Цацрагийн үүсгүүрийн улсын бүртгэл хөтөлж, цацрагтай ажиллагчийн өртөж байгаа мэргэжлийн шарлагын тунд хяналт тавих, шарлагын тунгийн мэдээллийн сан бүрдүүлэх,

- Цөмийн болон цацрагийн аюулгүй ажиллагааг хангахтай холбогдсон нийтлэг дүрэм, хөтөлбөр төлөвлөгөөг хянах, баталгаажуулах, үнэлгээ хийх цацрагийн болзошгүй ослоос урьдчилан сэргийлэх,

-Хүрээлэн байгаа орчны болон ахуйн хэрэглээний бараа, материал, хүнсний бүтээгдэхүүн, ундны ус, барилгын материалын цацрагийн түвшний хяналт шинжилгээ хийх, тэдгээр нь хүний эрүүл мэндэд сөрөг нөлөө үзүүлж байгаа эсэхийг тогтоох ажлыг холбогдох мэргэжлийн байгууллагатай хамтран гүйцэтгэх, чанарын баталгаажилтыг хангах арга хэмжээ авах.