Ашигт малтмал, газрын тосны газрын Уул уурхайн хэлтсээс салбарын аж ахуйн нэгжүүдийн үйл ажиллагааны бодит нөхцөл байдал, тулгамдаж буй асуудлыг шууд сонсож, хууль тогтоомжийн хүрээнд шийдвэрлэх арга замыг хамтран тодорхойлох зорилгоор “Уурхайчдын өглөө” уулзалтыг цувралаар зохион байгуулахаар төлөвлөж байна.
Энэ удаагийн уулзалт “Сэргээгдэх эрчим хүчний хангамж, цахилгаан тоног төхөөрөмж” сэдвийн хүрээнд 2026 оны 10 дугаар сарын 29-ний өдрийн Пүрэв гарагт Чингис хаан үндэсний музейн "MUSE Coffee Shop"-д болох юм.
Уулзалтаар уул уурхайн салбарын аж ахуйн нэгжүүдэд тулгарч буй эрчим хүчний хангамж, цахилгаан тоног төхөөрөмжийн ашиглалт болон сэргээгдэх эрчим хүчний шийдлүүдийн талаар санал солилцож, төр, хувийн хэвшлийн хамтын ажиллагааг бодит түвшинд идэвхжүүлэхийг зорин ажиллаж байна.
Салбарын аж ахуйн нэгж, мэргэжилтнүүд болон оролцогчид та бүхэн доорх линк болон QR кодыг уншуулан бүртгүүлэх боломжтой.
- Бүртгүүлэх холбоос: Энд дарна уу.
- Уулзалт болох хугацаа: 2026 оны 10 дугаар сарын 29-ний өдөр (Пүрэв гараг)
- Байршил: Чингис хаан үндэсний музейн 1 давхарын "MUSE Coffee Shop"
Эх сурвалж:
Уул уурхайн хэлтэс
Хөрөнгө оруулалтын судалгаа
хариуцсан мэргэжилтэн Д.Золзаяа
Утас: 51-263920