Ашигт малтмалын газрын төлөөлөл Холбооны Бүгд Найрамдах Ардчилсан Этиоп Улсын Уул уурхайн яамны төлөөлөлтэй уулзлаа
2015 оны 09 дүгээр сарын 02 –ны өдөр Ашигт малтмалын газрын даргын үүргийг түр орлон гүйцэтгэгч Д.Үүрийнтуяа Холбооны Бүгд Найрамдах Ардчилсан Этиоп Улсын Уул уурхайн сайд Теводрос Гебрезябер тус улсын эрчим хүч, уул уурхайн салбарын бусад төлөөлөгчдийг хүлээн авч уулзлаа.
Ноён Теводрос Гебрезябер Ашигт малтмалын газрын үйл ажиллагаа болон Монголын улсын геологи, уул уурхайн салбартай танилцаж, санал солилцов.
Этиопын Уул уурхайн сайдын зүгээс Монгол улсад бичил уурхайн ажлыг зохицуулдаг хууль, эрх зүйн талаар сонирхов. Үүнээс гадна талууд хоёр улсын геологи, уул уурхайн салбарын байгаль орчинд үзүүлэх нөлөө, авч буй арга хэмжээ болон аюулгүй байдал, хүний нөөцийн эрх зүйн зохицуулалтын тухай танилцлаа.