Хууль, эрх зүйн хэлтэс

Хэлтсийн үйл ажиллагааны стратегийн зорилт:

Агентлагийн үйл ажиллагааны тэргүүлэх чиглэл, зорилт, чиг үүргийг хэрэгжүүлэхтэй холбоотой хууль, эрх зүйн орчинг боловсронгуй болгох, дүрэм, журам, стандарт боловсруулах, батлуулах, мөрдүүлэхэд эрх зүйн дэмжлэг үзүүлэх, салбарын хэмжээнд байгуулагдах Бүтээгдэхүүн хуваах гэрээ болон бусад гэрээ, хэлэлцээр хийх ажлыг зохион байгуулах, сурталчлах, гэрээний хэрэгжилтэд хяналт тавих;

Хэлтсийн үндсэн чиг үүрэг: 

Агентлагийн даргын шийдвэрийг хууль тогтоомжид нийцүүлэн гаргахад дэмжлэг үзүүлэх, холбогдох хууль тогтоомжийн хэрэгжилтийг хангуулах, Ашигт малтмалын тухай, Газрын тосны тухай, Цөмийн энергийн тухай хууль тогтоомжийн хэрэгжилтийг хангуулж, хяналт тавих, агентлагийн дарга/холбогдох нэгжийн удирдлага/-ын гаргасан шийдвэртэй холбоотой хэрэг, маргаанд байгууллагын эрх ашгийг шүүх, хууль хяналтын бусад байгууллагад үр дүнтэй, идэвхтэй төлөөлөн оролцох, агентлагийн бүтцийн нэгж, албан тушаалтнуудад салбарын хууль тогтоомжийн талаар эрх зүйн туслалцаа үзүүлэх, эрх зүйн мэдээлэл, сурталчилгааны ажлыг зохион байгуулах үндсэн чиг үүргийг хэрэгжүүлнэ.     

Хэлтсийн үйл ажиллагаа нь Ашигт малтмал, газрын тосны газрын даргад болон газрын аппаратад шийдвэр боловсруулан гаргах, хэрэгжүүлэхэд эрх зүйн зөвлөгөө үзүүлэх, шаардлагатай эрх зүйн мэдээлэл, зөвлөгөө, дэмжлэгээр хангах, шүүхэд байгууллагын эрх, ашгийг төлөөлж хамгаалах замаар хэрэгжинэ.

Нэгжээс үзүүлэх үйлчилгээний шууд хэрэглэгч нь Агентлагийн дарга, орлогч дарга нар, газрын зохион байгуулалтын бүтцийн нэгжүүд, тэдгээрийн ажилтнууд байх бөгөөд шууд бус хэлбэрээр энэ үйлчилгээг хэрэглэгч нь Уул уурхай, хүнд үйлдвэрийн яам, Төрийн албаны зөвлөл, Засгийн газрын тохируулагч, хэрэгжүүлэгч агентлаг, аж ахуйн нэгж, иргэд, шүүх, хууль хяналтын байгууллага байна.

Хэлтсийн бүтэц, зохион байгуулалт: